Assembling

Assembling ka kam shoru karney sey pehley hamain es ki casing par tawaja daini hoge kyun key casing hee aisi cheez hai jiss main hum computer key tamam ejzaa ko nasab karain gay. Casing ka-e tarhaa ki aati hai. P1, P2, P3 key liye ATX casings isstamal horahi hain. Iss key bunyadi dhanchey main thora bohut akhtilaaf hoskta hai. Sab sey pehley casing ka covers kholna parey gaa. Inn screw ko kholney sey pora casing alag hojata hai. Iss key ilawa aisi casing bhi hoti hain jinn key dono taraf Plates cover key toor par lagee hoti hain inn Plates ko bhi screw khol kar alag kya jaskta hai. Baaz casings aisi hoti hain jin main screw isstamal nahi hotaey aur Clips ki madad sey platain laga-e gai hoti hain iss tarha inn key under bhi tamam cheezain laga-ney key liye clip hi diye gaye hotain hain. Hum jo casing isstamal karahey hain jinn main wo plate jis par motherboard lagaya ja ta hai wo iss key under he fix hoti hai jub key baaz aisi hain jinn main wo plate bahir nikaali ja-skti hai. Aisi casings jin main plate bahir nikal aati hai iss main plate ko bahir nkal kar motherboard iss key upper mount kiya jaskta hai iss main ziada aasani bhi rehti hai. Piii Assembling karney key liye humarey pass jo model casing hai is ki plate bahir nikali jaskti hai. Aisi casings main sey plate ko paich laga kar casing key under fix kya gaya hota hai. Baaz owqaat iss main paich nahi hotey balkey clip ya lock lagey hotain hain jinn main ye plate pahnsi hoti hai. Aap key pas jo bhi casing hai iss key mutaqbiq plate ko paich khol kar ya lock hata kar bahir nikalain. Computer ko asambal karney main sub sey pehla qadam motherboard ko plate par mount karna hai. Chahey wo casing key under fix ho ya ussey bahir nikla jaskta ho.
Jiss plate par motherboard lagaya jata hai iss main ka-e hole (sorakh) hotey hain. Aap apney board ko iss key upper rakh kar daikh sktey hain key iss ko konsi position main lagana hai. iss main khayal rakhney wali baat ye hai key motherboard ko mount karney key bad jab plate ko dobara casing main lagaya jaye gaa to iss ki tamam ports casing ki pichli janib nik-lain gee. Motherboard ko plate key upper mount karney key liye ka-e tarha ki cheezain isstamal hoti hain. Jaisey paich, plastic ki choridar suportain aur plastic ki clip numa suportain waghara. Paich to zahir hai key aik screw driver ya paichkas ki madad sey kasey jatain hain. Plastic key paich aap hanth sey tight karsktey hain. Aur jo clip numa supportain hoti hain inn main lock system hota hai. Yaani surakh main iss ko thorasa zoor laga kar dabaya jata hai to ye lock ho jati hai. SE440BX-2 NAV ye Intel ka oraignal board hai aur iss main koi Built-in future nahe hai. jaisey key amu-man kay motherboards par display card aur sound card wagheera Built-in hotey hain. Inn key ilawa ka-e boards aisey bhi hotey hain jin main network card aisey bhi aatey hain jin main networtk card aur fax modem waghera bhi Built-in hotey hain. Built-in sey ye murad hai key ye cheezain motherboard par pehley he sey mojud hoskti hain. Intel ka jo board hum isstamal karahey hain. iss par mojud ports aur Slots ki tafsil iss tarha sey hai.
PS/2 type mouse aur key boards.
Do adad USB ports.
Do adad serial ports.
Aik adad parala ports.
Processor key lye slit.
Three DIMM ram key lye slits ya bank.
FDD controller.
Primary aur secondary IDE controller.
Aik AGP (Accelerated graphics port).
Four PCI slits.
Do adad ISA slits.

Motherboard ko munasib position main rakh kar iss main jahan jahan jo cheez mount karney key liye lagani hai wo laga lain. Iss ka faisla youn kya jaskta hai key jahan par sirf surakh ho aur in main chori naa ho wahan lock wali plastic ki clip numa supportain lagye jati hain. Jahn par chori ho wahan atraf main plastic key paich lagasktey hain aur jahan par motherboard ko nisbatan mazboot saharey ki zarorat hoti hai wahan par paich lagaye jatey hain.
Motherboard ko jab plate key ouppr rakhey gey to os par baney surajkahoon (hols) sey aap ko andaza ho jaye ga key kis jagha kon si cheez lagana munasib hai. Paich laganey key liye inn key sath fiber ki washal bhi istamal hoti hai. Paich ko kbhi bhi washal key baghar istamal nahi karma chahye. Iss ka maqsad sirf motherboard ka bachao hai yaani agar brah-e-rast paich ko motherboard key upper kasa jaye ga to ye ziada sakhti sey kasney par motherboard ko nuqsan bhi pohunch sakta hai iss liye darmyaan main washal isstamal ki jati hai. Ba-har hal inn cheezon ka bunyaadi maqsad board ko mazbooti key sath palte ko mount karna he hota hai. iss liye konsi cheez kahan lagani hai iss ka behtar faisla issi waqt hoskta hai jab ye lagaya jata hai. Wesey cha-ro taraf aik jaisey fasley par paich lagaye jain gey to ye ziada mazboot hoskta hai lekin iss ka koi formula nahi hai.